Mostra realizada en xullo na sala de exposicións Angel Botello de Cangas
O concurso anual Wildlife Photographer of The Year, organizado pola BBC e o Museo de Historia de Londres co patrocinio de Veolia Enrironnement, celebrou en 2010 a súa edición número trinta e seis. Aberta aos fotógrafos profesionais e afeccionados de todas as idades, pretende promover o crecente interese pola natureza e o medioambiente, convertíndose no máis prestixioso certame mundial de fotografía da natureza do panorama internacional. Naquela edición recibíronse máis de 43.000 imaxes procedentes de 94 países. A magnífica colección de imaxes desta exposición é o mellor expoñente do esplendor, drama e diversidade da vida no Planeta Terra. Os estilos e protagonistas das fotografías son moi variados, a plasmación abstracta da natureza, os retratos de animais, o comportamento máis íntimo dos seres vivos e, mesmo, o efecto do quecemento global.
Nesta edición, foron galardonados nas diferentes categorías do concurso: Esa Malkonen (Finlandia) por ‘Bigotudo’, Kevin Schafer (EE.UU.) por ‘Waterpolo entre Botos’, Rob Palmer (EE.UU.) por ‘Un zarpazo afortunado’, András Mészaros (Hungría) por ‘Refrescante gota de choiva’, Danny Green (Reino Unido) por ‘Nube de estorninos’ e Igor Shpilenok.
